بحبك غصب عنك
_____________
بحبك غصب عنك
مهما كنتِ رفضاني
بحس إني منك
واسمك على لساني
ديما بقول بحبك
بحبك حتى لو كرهاني
روحي تهون عشانك
ياساكنه جوه أحضاني
بعشقك رغم فقرك
رغم الغربة اللي كوياني
ديمًا بدعيلك وفكرك
وإنتِ يا حبيبتي نسياني
بصحى الليل حارسك
وأطبطب عليكِ نامي
لا عمري بشيء طالبتك
ولا اشتكيت حرماني
قضيت شبابي خدامك
عمري ما كنت أناني
هعمل إيه منا بحبك
وإنتِ عقلي وكياني
بعشق ريحة ترابك
يا مصر ياللي مغرباني
يامصر مين في الدنيا قدك
اسم خالد مش فاني
في القرآن ربنا ذكرك
وفي القلب والروح سكناني
بحبك رغم فقرك
بحبك بحلوك ومرك
حتى لو كنتِ كرهاني
بحبك غصب عنك
شاعر الأحزان
عباده الفيشاوي
13\2\2015
0 التعليقات
